學生篇

返回

GOGOVAN CEO 林凱源 Steven - 精彩的創業歷程, 由美國的大伯開始

林凱源為送外賣盒 搞出GOGOX 寫App解決物流樽頸問題, 意想不到顛覆了行業

… 原文刊於2022年3月21日信報財經新聞「周一人物」

林凱源,Steven  - 「不怕嘗試、靈活應變,是初創成功要素」

港產物流服務平台GOGOX(前稱GoGoVan),2013年由5位本地年輕人以2萬元資金創立,他們大概意想不到,打拚數年,公司已成為本港物流業龍頭之一,更躋身獨角獸行列,且最近遞交了上市申請;兼任聯席行政總裁的其中一位創辦人林凱源(Steven)認為,不怕嘗試、靈活應變,是初創成功要素。他日前接受本報專訪,分享創業難忘點滴,以及這門生意背後理念。

出生其層 - 成就大業

出身基層家庭的Steven,父親是裝修工人,自小告誡他要努力讀書,否則將來只能從事體力勞動工作,然而父親的苦口婆心,未能改變他無心向學的事實,反而喜歡幫朋友組裝電腦賺零用錢,頗有生意天份,最終他經歷兩次會考,獲恒生商學書院(現為恒生大學)取錄,「入到去仲畀校長捉我考多次會考,前後3次,應該無乜人多過我。」

奇妙人生 - 在美國的大伯改寫了他的一生

19歲那年,Steven已移民美國洛杉磯的大伯,請他們一家到當地旅行,小伙子驚嘆世界之大,感受到讀萬卷書不如行萬里路,遂萌生出國留學念頭,無奈家中環境無力負擔,此時大伯跟Steven父親說了一番話,「佢話當年所有去美國嘅留學生都係無錢,如果唔係(三藩市)點會叫舊金山,啲人就係去掘金,而家呢代先話有錢先去留學,阿爸覺得又有道理喎。」

/uploaded/Steven_Lam_now_CEO_of_GOGOX_touring_USA_iat_the_age_of_19.jpg

美國留學半工讀  - 洗車,售iPhone

結果Steven拿着父親購買的1張單程機票和200美元,在2005年展開飄洋過海旅程,入讀美國社區學院;抱着破釜沉舟決心的他,其後考入加州柏克萊大學哈斯商學院(Haas School of Business, UC Berkeley)讀工商管理,為賺取學費及生活開支,在中餐館兼職半工讀,期間認識同樣來自香港的鄧權威(Nick)及關俊文(Reeve),他鄉遇故知,很快結為好友。

「之後大家成日搵啲『騎呢』生意去做:網上買賣舊車舊單車,又試過喺學校停車場賣熱狗、喺街邊豎塊牌幫人洗車;其實都係環境迫成,要不斷諗計賺錢繼續學業。」2010年Steven大學畢業,成績名列畢業生前5%,惟時值全球金融海嘯後不久,美國經濟元氣未恢復,工作機會不多,於是回港發展。

/uploaded/Steven_Lam_-_co-founder_of_GOGOX_HK__0.jpg

GOGOX的誕生

2007年於美國求學年代,三人已在網上賣首代 iPhone,賺到第一桶金,成功應付彼邦學費,那次經驗令Steven信心大增,既然人在異地都能靠自己完成學業,回到熟悉的香港,更無理由不成,「美國生活成本咁高都維到生,香港住又住屋企,賺到足夠使費就得,咁不如搵啲小生意做下,唔使靠人(打工)。」

合資2萬創業  - 變港產獨角獸

Steven遂把想法與兩位拍檔分享,一說即合,開設飯盒廣告公司,「個idea點嚟?當年我哋喺(美國)中餐館送外賣,成日包外賣盒,一送就送到夜晚11、12點,成車食物但自己個肚好餓;美國中餐啲飯盒會寫住Have a nice day,忙起上嚟飯都無得食,望住成車Have a nice day(外賣盒),係幾諷刺。」

「我哋要放Fortune Cookie(幸運曲奇)入個盒,我哋嗰啲特別平,唔係獨立包裝,成日自己爛開,入面張紙跌咗出嚟,你知嗰啲紙條都係寫住啲『永恒真理』,Reeve就提議不如直接(將文字內容)印喺個盒度,寫下啲fun fact(有趣事實),嗰陣大家都覺得個idea好正,不過最終講完就算,無實行。」Steven娓娓道來。

三人回港後打算一齊創業 - 舊事重提

「香港無Fortune Cookie,我哋就諗不如搵人(在飯盒)落廣告,好似免費報紙咁,收廣告商錢。」結果公司成立大半年已收支平衡,可是遇上另一難題,由於要趕在各餐廳開門前將飯盒送達,隨着訂單增加,運輸需求大增,「試過最高紀錄一日送10萬盒,個logistics(物流)七國咁亂,有時打咗成日電話,都搵唔到司機送貨。」

開發手機 App - 助司機和乘客有效溝通

當年香港貨運業營運模式仍相當傳統,司機多屬自僱,透過電召平台接單,每月要交付數千港元,惟平台不會按司機位置和路線安排訂單,效率極低;Steven等人與很多貨車司機談過,明白他們對電召模式的不滿,於是決定做一款手機應用程式(App),幫助司機和乘客更有效率溝通,「其實一開頭無諗到改變成個行業,只係想解決當刻我哋公司個物流問題」。

/uploaded/Steven_Lam_with_two_other_co-founders_of_GOGOVAN.jpg

再加兩昔日學 - 五人幫創立 GOGO Van, 產獨角獸

未幾,Steven找來兩名昔日的中學同窗加入,5人共合資2萬元實現創業夢;GoGoVan應用程式於2013年7月正式上線,結果平地一聲雷,翌年進軍新加坡和台灣,2015年以「快狗」為名登陸內地市場,除商業快遞,還提供搬屋和寵物運送;2017年8月與中國貨運平台「58速運」合併,公司估值突破10億美元(約78億港元),成為港產獨角獸初創之一,並吸引阿里巴巴與騰訊系入股。

 

堅持五大經營理念  -  最終的目標“Deliver happiness”” 傳遞快樂

時至今日,GOGOX堅持的是五大企業理念,「第一係dare to venture,即勇於嘗試;第二係no bullshit,講咗就做;第三係top of your game,一係唔做,一做要做到最好;第四係 grow or die,一定要努力成長,否則就會死亡。」

「呢4樣嘢最終目的就係 deliver happiness(傳遞快樂)。你送支水由A點到B點,好多公司都做到,但要令到個過程,無論送件人、收件人、司機……(持份者)個個都稱心滿意,用家體驗係好,就唔係咁簡單,呢個先係我哋終極目標(第五理念)。」Steven新冠疫情下,物流生意可謂一枝獨秀,然而商場如戰場,怎樣「埋身肉搏」超越對手,保持卓越,方為發展之道。

來源:「StartupBeat創科鬥室」

http://startupbeat.hkej.com/?p=116446

/uploaded/Steven_Lam_-_Co-founder_of_GOGOX.jpg

返回